Castellano
Detalle trámite
Non hai convocatorias abertas actualmente
O Concello de Betanzos quere, pola presente convocatoria, dar apoio ás entidades deportivas e contribuír para que acaden os obxectivos que lles son propios, fomentar a participación da cidadanía en cada ámbito de actuación, contribuíndo, deste xeito, a impulsar a igualdade e a democratización da sociedade.
Poderán optar aos programas contidos na presente convocatoria as entidades que cumpran os seguintes requisitos:
- Estar legalmente constituídas e coa documentación actualizada.
- Carecer de fins de lucro.
- Desenvolver as súas actividades no ámbito territorial do Concello de Betanzos ou sobre temas de interese para o Concello.
- Non ter pendente de xustificar ningunha subvención concedida, na convocatoria anterior, polo Concello de Betanzos, salvo que se lle concedese excepcionalmente prórroga ou ben tivese desistido , ou xustificado a non presentación, se o proceso está rematado.
- Non estar incursa en ningunha das circunstancias previstas no artigo 13 da Lei 38/2003, Xeral de subvencións nin dos supostos de incapacidade ou incompatibilidade para a percepción de axudas ou subvencións públicas.
- Estar ao día nas súas obrigas tributarias coa Axencia Tributaria Estatal e Autonómica, coa Seguridade Social e co Concello, e nas súas obrigas legais co persoal que preste servizos para as entidades solicitantes.
As solicitudes, formularanse no modelo que figura como anexo desta convocatoria e presentaranse unicamente por medios electrónicos a través do formulario de solicitude normalizado da sede electrónica municipal. (https://sede.betanzos.gal).
Os anexos necesarios para completar a solicitude desta axuda estarán dispoñibles para descarga na páxina web municipal (https://sede.betanzos.gal), xunto co resto de información relacionada coa convocatoria.
O texto da convocatoria e a información requirida será incluída de maneira previa na Base de Datos Nacional de Subvenciones. A BDNS dará traslado ao BOP de A Coruña o extracto de la convocatoria para su publicación.
O prazo de presentación de solicitudes comezará ao día seguinte á publicación do extracto da convocatoria no Boletín Oficial da Provincia e terá unha duración máxima de quince días hábiles.
Cando o órgano instrutor reciba algunha solicitude incompleta, requirirá as entidades solicitantes dando un prazo de 10 días hábiles que contará dende o día seguinte ao da notificación do requirimento (artigo 68 da Lei 39/2015, de 1 de outubro, do procedemento administrativo común das administracións públicas). Se a entidade requirida non respondese ao requirimento de emenda, entenderase que desiste da súa solicitude.
Deberá realizarse mediante o procedemento de Achega de Documentación coa seguinte documentación:
- Bases.
- Extracto.
- Ordenanza xeral de subvencións do Concello de Betanzos.
- Ordenanza para o impulso da lingua galega do Concello de Betanzos.
- Bases de execución do orzamento prorrogado para o ano 2025.
- Lei 7/1985, do 2 de abril, reguladora das bases de réxime local.
- Lei 5/1997, do 22 de xullo de administración local de Galicia.
- Real D.L. 2/2004, do 5 de marzo, polo que se aproba o texto refundido da lei reguladora das facendas locais.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de Subvencións dirixidas a Entidades Deportivas concedidas polo Concello en Réxime de concorrencia competitiva para o exercicio 2025.
Inicio do procedemento: A Instancia de parte.
Tipo de interesado: Persoas físicas ou xurídicas (Entidades Deportivas).
Órgano de resolución: Alcaldía.
Taxas/Impostos: Non aplica.
Canles de atención: Telemático (Iniciar trámite).
Presencial.
