EXP: 2023/X998/000410

BANDO DA ALCALDÍA ACCIÓNS PREVENTIVAS POR RISCO DE SECA

Veciñas e veciños de Betanzos,

Ante o estado de seca prolongada decretado pola Xunta na unidade territorial de seca 04 río Mero a Ferrol a que pertence Betanzos, é necesario aplicar unha serie de medidas para optimizar a xestión da auga como:

-Eliminación do consumo en fontes ornamentais e elementos similares que se abastezan da rede municipal.

-Redución do baldeo de rúas para a súa limpeza.

-Redución dos regos públicos e privados aos estrictamente necesarios.

-Prohibición do enchido de piscinas.

-Prohibición do lavado de vehículos agás nos establecimientos habilitados

É necesario tomar conciencia da importancia de levar a cabo medidas de aforro no consumo da auga, evitando o malgasto e minimizando os usos prescindibles.

Como alcaldesa solicito a colaboración dos veciños e as veciñas, das institucións públicas e máis das privadas e das empresas con sede no concello, para que se tomen as precaucións necesarias para evitar o gasto innecesario de auga.

Dende o Concello seguiremos ás indicacións da Xunta e manteremos informa á ciudadanía da situación e das medidas que sexa necesario tomar.

DOCUMENTO ASINADO ELECTRONICAMENTE

A Alcaldesa de Betanzos,

María Barral Varela

Betanzos, 23 de agosto 2023