Estás en:

Detalle trámite

Comunicación previa de obra

Descargar impresos

(off line)

Iniciar trámite

(on line)

Descrición

Quedan suxeitos ao réxime de intervención municipal de comunicación previa os actos de uso do solo e do subsolo non suxeitos a licenza (están suxeitos a licenza os actos que requiren proxecto de edificación e outros supostos) e, en todo caso, os que así se establezan nas leis. Quen promova actos de uso do solo e do subsolo comunicará ao concello a intención de levar a cabo o acto cunha antelación mínima de quince días hábiles ao da data en que pretenda comezar a súa execución.
Con carácter xeral, transcorrido o prazo de quince días hábiles sinalado, a presentación da comunicación previa cumprindo con todos os requisitos esixidos constitúe título habilitante para o inicio dos actos de uso do solo e do subsolo suxeitos a ela, sen prexuízo das posteriores facultades de comprobación, control e inspección por parte do concello.
(Art. 142.3 e 146 da Lei 2/2016, do 10 de febreiro, do solo de Galicia).

Quen pode presentar unha solicitude

Calquera persoa física ou xurídica que desexe comunicar o inicio dunha obra.

Como e onde facer o proceso

Con carácter previo á presentación da solicitude, a persoa interesada deberá elaborar a autoliquidación correspondente á Taxa pola intervención municipal nas comunicacións previas e no outorgamento de licenzas urbanísticas a través da Oficina Virtual Tributaria do Concello de Betanzos. Para poder presentar a solicitude é necesario achegar o xustificante de pagamento da autoliquidación da taxa, en virtude do artigo 4.4. da Ordenanza fiscal nº 6 (BOP 176 do 15/09/22).
A autoliquidación e pago do Imposto sobre Construccións, Instalacións e Obras (ICIO) realizarase segundo o establecido no artigo 8 da Ordenanza fiscal nº 28 (BOP 176 do 15/09/22).

De forma telemática a través do botón "Iniciar trámite".

Documentación

NOTA: A documentación técnica tramitada a través da plataforma de traballos profesionais do COAG ou outros colexios profesionais non terá que ser achegada; só se terá que indicar na instancia o código correspondente.

Comunicación Previa de Obra.
No caso de actuar en representación, copia dos documentos de identidade da persoa representante e da persoa interesada coa autorización escrita desa última ou copia de poder para actuar en representación (ver modelo). No caso de presentación online, non é necesario aportar o documento de identidade da persoa que presenta (nin da persoa interesada no caso de utilizar un certificado electrónico de representación).
Descrición suficiente das características do acto de que se trate cun esbozo ou descrición gráfica.
No seu caso, proxecto técnico esixible legalmente e declaración do persoal técnico ou facultativo que autoricen o proxecto de que este cumpre en todos os seus extremos coa ordenación urbanística de aplicación.
Orzamento detallado.
Fotografías de estado actual (previo á realización da obra) en caso de obras de reparación.
Copia das restantes autorizacións e, no seu caso, concesións administrativas cando fosen legalmente esixibles ao solicitante, ou acreditación de haberse solicitado o seu outorgamento.
Documento de avaliación ambiental, si é o caso.
Copia da autorización ou ditame ambiental, así como das restantes autorizacións, concesións ou informes sectoriais cando fosen legalmente esixibles.

Xustificante de pago de taxas segundo a/as ordenanza/s vixente/s. (ver)

Normativa

Máis información

Nome: Comunicación Previa de Obra.

Unidade tramitadora: Urbanismo.

Inicio do procedemento: A instancia de parte.

Tipo de interesado: Persoa física ou xurídica

Taxas/impostos: Consultar ordenanzas fiscais do apartado de normativa.

Canles de atención: Telemático (Iniciar trámite).

Presencial.