O Concello de Betanzos quere, pola presente convocatoria, establecer o procedemento e criterios para a concesión de subvencións no ámbito do termo municipal de Betanzos para a “Organización de festas parroquiais” ou populares en réxime de concorrencia competitiva e de acordo cos principios de obxectividade, igualdade de concorrencia e publicidade.
A convocatoria vai dirixida a fomentar a labor das entidades culturais e veciñais así coma das comisións de festas para contribuír a que acaden os obxectivos que lles son propios, en relación ao impulso da participación activa da cidadanía para celebrar e conservar as festas parroquiais de maior tradición e arraigo, xurdidas da iniciativa popular e que formar parte da nosa identidade e memoria colectivas.
A través da concellería delegada en festas e eventos proponse a consecución dos seguintes obxectivos:

• A existencia dunha programación festiva estable dentro do ámbito territorial do concello de Betanzos, programada e desenvolvida polas comisións de festas de cada parroquia, e na que a administración municipal represente un papel secundario, tanto na elección do tipo de actividades a desenvolver como na súa posta en práctica e no seu financiamento.
• A participación activa da veciñanza nas festas como medio de propiciar a convivencia entre veciños.
• A preservación de tradicións existentes nas distintas parroquias do concello, transmitidas a través dos festexos populares.
• A difusión da imaxe de Betanzos a través da súa oferta festiva, de xeito que esta sirva como elemento de dinamización de cada unha das parroquias nas que se celebren festas, así como de atracción de  visitantes de cara os vindeiros exercicios.

As solicitudes, formularanse no modelo que figura como anexo desta convocatoria e presentaranse unicamente por medios electrónicos a través do formulario de solicitude normalizado da sede electrónica municipal. (https://sede.betanzos.gal).

Os anexos necesarios para completar a solicitude desta axuda estarán dispoñibles para descarga na páxina web municipal (https://sede.betanzos.gal), xunto co resto de información relacionada coa convocatoria.

O texto da convocatoria e a información requirida será incluída de maneira previa na Base de Datos Nacional de Subvenciones. A BDNS dará traslado ao BOP de A Coruña o extracto de la convocatoria para su publicación.

O prazo de presentación de solicitudes comezará ao día seguinte á publicación do extracto da convocatoria no Boletín Oficial da Provincia e terá unha duración máxima de quince días hábiles. 

Cando o órgano instrutor reciba algunha solicitude incompleta, requirirá as entidades solicitantes dando un prazo de 10 días hábiles que contará dende o día seguinte ao da notificación do requirimento (artigo 68 da Lei 39/2015, de 1 de outubro, do procedemento administrativo común das administracións públicas). Se a entidade requirida non respondese ao requirimento de emenda, entenderase que desiste da súa solicitude.