Castellano
Detalle trámite
Esta convocatoria ten por obxecto a concesión de axudas ao pagamento da vivenda habitual, mediante adxudicación directa ás persoas inquilinas dun contrato de alugamento ou dun préstamo hipotecario dunha vivenda situada no Concello de Betanzos coa finalidade de contribuír a paliar as consecuencias socioeconómicas entre os colectivos máis vulnerables. Estas axudas contan co financiamento da Deputación Provincial de A Coruña, a través do POS + Adicional 1/2026 para Gastos Sociais Extraordinarios do exercicio 2026.
- Poderán ser beneficiarias destas axudas as persoas físicas maiores de idade que na data da presentación da solicitude cumpran os seguintes requisitos:
- Ter a nacionalidade española ou residir legalmente en España, no caso das persoas estranxeiras.
- Ser titular, en condición de persoa inquilina dun contrato de alugamento ou dun préstamo hipotecario dunha vivenda situada no Concello de Betanzos.
- Que a vivenda constitúa a súa residencia habitual no momento da solicitude. A persoa beneficiaria debe constar empadroada no concello de Betanzos nesta ou noutra vivienda, cunha antigüidade mínima de seis meses.
- Estar en situación de vulnerabilidade económica considerando isto cando o conxunto dos ingresos do ano 2025 dos membros da unidade de convivencia non superen, con carácter xeral 2 anualidades do IPREM vixente por doce mensualidades (14400 €). Este límite ampliarase a 2,5 anualidades do IPREM vixente por doce mensualidades (18000 €) no caso de grupos de familias de especial consideración: familias numerosas, familias monoparentais, familias con persoas maiores ao cargo, familias con persoas con discapacidade ao cargo, familias acolledoras e familias vítimas de violencia de xénero. Os ingresos da unidade de convivencia calcularanse sumando a base impoñible xeral e a base impoñible do aforro da declaración da renda das persoas físicas do ano 2025 de todos os membros da familia.
- Non poderá concederse a axuda cando a persoa solicitante ou algunha das persoas integrantes da súa unidade de convivencia se atope nalgunha das situacións que a continuación se indican:
- Ser propietario ou usufrutuario dalgunha vivenda en España no caso de solicitar a axuda ao alugamento e dunha segunda vivenda no caso de optar pola axuda ao préstamo hipotecario. Para estes efectos, non se considerará que se posúe a propiedade ou o usufruto dunha vivenda se o dereito recae unicamente sobre unha parte alícuota desta e foi obtido por herdanza ou transmisión mortis causa sen testamento. Exceptuaranse deste requisito tamén ás persoas que, sendo titulares dunha vivenda, acrediten a non dispoñibilidade dela por causa de separación, divorcio ou por calquera outra causa allea á súa vontade ou cando a vivenda resulte inhabitable ou inaccesible por razón de discapacidade da persoa solicitante ou dalgún membro da súa unidade familiar.
- No caso de solicitar a axuda ao alugamento, ter parentesco en primeiro ou segundo grao de consanguinidade ou de afinidade coa persoa que teña a condición de arrendador da vivenda.
Solicitudes:
A presentación de inscricións realizarase preferentemente a través da sede electrónica do Concello de Betanzos https://sede.betanzos.gal.
Excepcionalmente as persoas que acrediten que non contan con medios necesarios para realizalo por esta vía poderán contactar cos servizos sociais.
O prazo de presentación de solicitudes será do 6 ao 29 de xuño de 2026.
- Anexo da solicitude.
- Anexo I - Comprobación de datos.
- Bases.
- Extracto.
- Ordenanza xeral de subvencións do Concello de Betanzos, publicada no BOP número 22 de 2 de febreiro de 2022.
- Ordenanza para o impulso da lingua galega do Concello de Betanzos aprobada no BOP número 240 de 21 de decembro de 2016.
- Bases de execución do orzamento prorrogado para o 2025.
- Lei 7/1985, do 2 de abril, reguladora das bases de réxime local.
- Lei 5/1997, do 22 de xullo de administración local de Galicia.
- Real D.L. 2/2004, do 5 de marzo, polo que se aproba o texto refundido da lei reguladora das facendas locais.
- Lei 38/2003, do 17 de novembro, xeral de subvencións e Real decreto 887/2006, do 21 de xullo, polo que se aproba o seu regulamento.
- Lei 9/2007, do 13 de xuño, de subvencións de Galicia e o Decreto 11/2009, do 8 de xaneiro, polo que se aproba o seu regulamento.
Nome: Solicitud de ayudas extraordinarias municipales de apoyo al pago de la vivienda habitual.
Inicio do procedemento: A instancia de parte.
Tipo de interesado: Persoa física que cumpran os requisitos.
Canles de atención: A presentación de inscricións realizarase preferentemente a través da sede electrónica do Concello de Betanzos https://sede.betanzos.gal.
Excepcionalmente as persoas que acrediten que non contan con medios necesarios para realizalo por esta vía poderán contactar cos servizos sociais.
