Castellano
Detalle trámite
Solicitude de participación na convocatoria do "Programa de axuda ás actuacións de rehabilitación a nivel de barrio" no Entorno Residencial de Rehabilitación Programada (ERRP) do "Conxunto histórico de Betanzos e a súa zona de protección", no municipio de Betanzos. Financiado pola Unión Europea NextGenerationEU.
A finalidade destas axudas é financiar obras ou actuacións nas que se obteña unha mellora acreditada da eficiencia enerxética, con especial atención á envolvente edificatoria nos edificios de tipoloxía residencial colectiva (incluíndo as súas vivendas) e nas vivendas unifamiliares.
Poderán ser persoas destinatarias últimas destas axudas aquelas que asuman a responsabilidade da execución integral da actuación. Cando a execución da actuación corresponda a varios beneficiarios, a axuda distribuirase en proporción ao custo e a responsabilidade asumido por cada un destes.
O inmoble para o que se solicíta a axuda debe estar incluído no ERPP do "Conxunto histórico de Betanzos e a súa zona de protección" definido no Acordo número 10 da Comisión Bilateral, celebrado o 11 de maio de 2023. A delimitación reprodúcese na documentación gráfica anexa á convocatoria. Deberanse cumprir os requisitos establecidos nas bases.
As actuacións non poderán estar iniciadas antes de 1 de febreiro de 2020 e non poderán estar finalizadas na data de inicio do prazo de presentación de solicitudes da presente convocatoria.
As actuacións obxecto de financiamento a través deste programa deberán estar finalizadas antes do día 30 de xuño de 2026. A documentación acreditativa da finalización das actuacións e do cumprimento do obxecto da subvención deberá de presentarse con data límite ata o 14 de agosto de 2026.
As solicitudes presentaranse preferentemente a través da sede electrónica do Concello de Betanzos a través do botón "Iniciar trámite".
Ademais, poderán presentarse presencialmente no Rexistro do Concello de Betanzos ou por calquera dos medios previstos no artigo 16.4 da Lei 39/2015, do 1 de outubro, do procedemento administrativo común das administracións públicas, segundo as previsións da normativa aplicable.
O prazo de presentación de solicitudes estará aberto desde o primeiro día hábil seguinte ao da publicación do extracto destas bases no Boletín Oficial da Provincia da Coruña ata o 30 de decembro de 2025, agás que, con anterioridade, se esgotara o crédito orzamentario, o que será obxecto de publicación no BOP da Coruña e en sede na páxina web do Concello de Betanzos.
A Oficina de Rehabilitación recibirá consultas preferentemente mediante correo electrónico (ari@betanzos.net). Ademais, poderase recibir atención no teléfono 981 77 36 90 (dispoñible en horario de 9.00 a 14.00 horas) ou presencialmente (9.00 a 14.00 horas, cita previa no correo e teléfono indicados).
- Impreso de solicitude oficial
- Anexo 1 Representación
- Anexo 2 Datos das persoas e entidades partícipes nas obras (propietarios ou inquilinos) e interesados na subvención
- Anexo 3 Certificado do acordo da comunidade de persoas propietarias, agrupación de comunidades de persoas propietarias ou sociedade cooperativa
- Anexo 4 Certificado da agrupación de persoas físicas e/ou persoas xurídicas de natureza privada ou declaración da comunidade de bens, propietarias do edificio
- Anexo 5 Declaración responsable do principio de “Non causar un prexuízo significativo ao ambiente” (DNSH)
- Anexo 6 Declaración de ausencia de conflito de intereses (DACI)
- Anexo 7 Cesión e tratamento de datos persoais
- Anexo 8 Comunicación da finalización das actuacións
- Anexo 9 Acordo de cesión do dereito de cobranza da axuda
- Anexo 10 Escrito de aceptación da subvención
- Bases e convocatoria para a concesión de subvencións para actuacións de rehabilitación a nivel de barrio do “Conxunto histórico de Betanzos e a súa zona de protección”, no concello de Betanzos, en relación á execución dos programas de axuda en materia de rehabilitación residencial e vivenda social do Plan de Recuperación, Transformación e Resiliencia, financiado pola Unión Europea NextGenerationEU.
- Extracto bases e convocatoria para a concesión de subvencións para actuacións de rehabilitación a nivel de barrio do “Conxunto histórico de Betanzos e a súa zona de protección”, no concello de Betanzos, en relación á execución dos programas de axuda en materia de rehabilitación residencial e vivenda social do Plan de Recuperación, Transformación e Resiliencia, financiado pola Unión Europea NextGenerationEU.
- Real Decreto 853/2021, do 5 de outubro, polo que se regulan os programas de axuda en materia de rehabilitación residencial e vivenda social do Plan de Recuperación, Transformación e Resiliencia.
- Resolución do 8 de xullo de 2022 pola que se regula o procedemento para participar no Programa de axuda ás actuacións de rehabilitación a nivel de barrio do Plan de recuperación, transformación e resiliencia, financiado pola Unión Europea-NextGenerationEU e se abre o prazo de participación para a anualidade 2022.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Programa de axuda ás actuacións de rehabilitación a nivel de barrio.
Inicio do procedemento: A instancia de parte.
Tipo de interesado: Persoa física.
Canles de atención: Telemático (Iniciar trámite).
Presencial.
